Кардәшем Хәмид бәй!
Бундан бер-ике һәфтә мөкаддәм Билал бәйдән алдыгым мәгълүматә истинадән , сезә кыса бер мәктүб юлламышдем. Иншаллаһ, алмышсыңыздыр. Шөбатың 26 сында Билал бәй Бурсайа китде. Бер һәфтә-ун көн калачак. Адресы: Сеgirke, Ada palas. Bursa.
Бәндә саглык-сәламәтлек. Бу мәктүблә бәрабәр тәгаһһедле уларак сезең адреса «Хуканд ханлыгының кыска тарихы»ның үрнәк тәрҗемәсен күндерейорым. Бу үрнәк тәрҗемә китабың икенче бабындан башлайарак өченче бабына кадәр дәвам итмеш. Утыз-утыз биш сәхифә җәгърафи истыйляхларла тутарындадыр . Беренче баб җәгърафи истыйляхларла дулу улдыгындан вә китабың кыйммәте хакында бер фикер вирәчәк вазгыятьдә улмадыгындан, ул кыйсемне күндермәдем. Бу урынның тәрҗемә өченче дәфга күндерелейор. Вә бу эшнең башландыгына да өч сәнә улыйор. Бунлары дикъкатьләрен җәлеп идәрәк, мөмкин кадәр чабук шу мәсьәләйе хәл итмәләре риҗаңызы истирхам идәрем . Китабың русча асылын күндермәдем. Уның лөзүме улдыгына (ике дәфга күндермешдем) канигъ дәгелем . Китап кәнде малым улмадыгы өчен орада-бурада гаиб улып китмәсендән куркыйорым. Әгәр китабың асыл нөсхәсе гәлмәсендә исрар итдерелмәсә, лотфән, гаҗәлә бәңа белдермәңезе риҗа идәрем. Вә китабы да курка-курка күндерәрем.
Безем Садри бәйне демократлар Анкарадан Милләт Мәҗлесенә намзәд куймышлар1. Сайлана белсә, аз чук һәпмезә файдасы улырды. Бурада яңа вакыйглар, хәбәрләр юк. Һәркәс кәнде эшендә. Сезнең дә йириңезе дәгишдирдегеңезе Билал бәйдән өгрәндем. Хәерле улсын.
Нәгыймә ханыма гарзы хөрмәтлә, кызыңыза сәламләр.
Хөрмәтләрлә Гаяз Исхакый
Бу тәрҗемә мәсьәләсен мөмкин кадәр гаҗәлә саглам казыкка багланмасыны эстәрем.
28 нисан, 1950. Истанбул. Бәйуглы.
Искәртмәләр һәм аңлатмалар:
190. Хәмид Зөбәер Кошайга.
Хатның күчермәсе Казанның М. Горький музеенда саклана. Гарәп язуында. Беренче тапкыр басыла.
1 Безем Садри бәйне демократлар Анкарадан Милләт Мәҗлесенә намзәд куймышлар. – Пенсиягә чыгып, биш ел чамасы узгач, 1950 елда С. Максуди Демократик партия исеменнән Төркия Милли Мәҗлесенә депутатлыкка кандидат итеп, Анкара сайлау округы буенча үз-үзен тәкъдим иткән була.
Мөкаддәм – элек.
Истинадән – таянып.
Тәгаһһедле уларак – заказ хаты рәвешендә.
Җәграфи истыйляхларла – географик терминнар белән.
Тутарындадыр – күләмендәдер.
Риҗаңызы истирхам идәрем – ялынам, ялварам.
Канигъ дәгелем – фикерендә түгелмен.
Орада-бурада – анда-монда.
Гаиб улып китмәсендән – югалуыннан.
Исрар итдерелмәсә – катгый таләп булмаса.
Гаҗәлә – ашыгыч рәвештә.
Һәркәс – һәркем.
Дәгишдирдеңезе – алыштыруыгызны.
Гаҗәлә саглам казыкка багланмасыны эстәрем – … телим.